買車最講係咩？經驗？眼光？知識？係運氣呀！好多好車都係可遇不可求，而且要啱Timing講緣份，好似呢位澳洲戰神迷，他就再度重遇這部日產(Nissan)GT-R R33，只行幾千km，全原裝，上架任驗之後，真係新車級數，最重要係車價，約5萬美元！唔該，我想要一部。前文到「重遇」，因為呢位叫Steve Wood嘅澳洲車迷，早喺兩年前已經喺網上見到呢部GT-R，唔係女司機，因為賣家講係佢阿爸喺1999年(即出廠後兩年)買入嘅，只行9600km，之後冇揸過咁濟。不過當時阿Steve未夠錢買，只能夠望車輕嘆，而部車都好快已經落咗架，應該被人買咗。兩年後，近排阿Steve儲夠錢就想搵平價R34，但佢個budget嘅R34，唔係炒咗就係翻噴或者改到亂籠，但就喺呢個時候，佢就重遇呢部R33！恨死人。

---