只要有一個女朋友，你每天都要格外提神，因為可能會隨時被世紀難題秒殺。
前幾日重陽放假，但竟要過五關斬六將，因為世上最難答的問題，阿潮竟然一日遇到，還要「打大佬」。
Level 1：「你知唔知今日乜野日子？」
-----------------------------------------------------------------------------------
難得放假，我當然躲在被窩，但一大清早便收到BB豬電話：
BB豬：「你知唔知今日係乜野日子？」
我：「重陽囉！你想一齊去拜山？」
BB豬：「拜山？洗唔洗我幫你上多幾柱香？」
死了！睡眼惺忪的阿潮一時口快快，開始感受到電話對面傳來的怒氣，怎麼辦？一定要給正確答案！
我此時轉數快過超級電腦，心想：
「第99次拖手仔失敗紀念日？第520次麥記拍拖紀念日？
不，BB豬最重視的一定是她生日，但上月不是慶祝了嗎？難道是農曆要慶祝多一次？還是生日後一年紀念日？」
死啦死啦！BB豬已不耐煩，我唯有出絕招萬能Key：
「係同你一起走過畢生難忘的日子中最最最特別嘅大日子，我十分期待為今日慶祝。而家每一分每一秒，我都覺得係永恆一樣。」
我沒有打冷震，因為真的「畢生難忘」兼「度秒如年」，結果她說：

「嚇？今日係我隻狗阿狗死忌，你竟然仲慶祝！」
Level 2：「你覺唔覺得我有乜野唔同？」
-----------------------------------------------------------------------------------
結果，在被電話轟炸十次後，BB豬覺得無聊，所以最後約我出來悼念「阿狗」。不過卻是惡夢的開端......
BB豬一看見我便問：
「你覺唔覺得我有乜野唔同？」
糟了！這條問題簡直難過小學TSA，阿潮完全呆了：
「難道是化了妝？但她有卸過妝嗎？
整了容？但我又不是醫生不懂檢驗......
肥了？我還不想死......不過又好像肥了少許......」
BB豬開始不耐煩，我決定搏一搏：

「你的氣質好唔同......」
BB豬開始黑臉：
「錯哂！好明顯啦！我頭髮剪了2mm！是2mm！個髮型師用間尺幫我度咗做0.2cm都比我鬧，一定要跟足雜誌嫁！」
幸好我不懂剪頭髮，眼看勢色不對，又要出絕招：
「知唔知點解我察覺唔到，因為我只顧住望你個樣，已經留意唔到其他野。」
沒錯，光望著她的黑臉，我已不敢再望其他東西。
Level 3：「今日食乜野好？」
-----------------------------------------------------------------------------------
說到這裏，BB豬開始肚餓了，她突然繞著我的手，睜大雙眼扮Kawaii 地問：
我地今日食乜野好？

不安的感覺開始湧過來：
我：「中國菜？」
BB豬：「日日都食嫁啦。」
我：「日本菜？」
BB豬：「又係日本野！我前幾天去日本食到有少少厭！」
我：「泰國菜？」
BB豬：「唔想食，你見唔到我塊臉想爆痘咩？」
我對此問題早有準備，預備終極答案：
「不如你話事啦！」
結果又被一招秒殺：
「我無乜所謂，你話事好啲！」
要知道，女朋友叫你話事即是「你唔話得事」，如此下去，拖到佛誕也不會有飯吃，我唯有冒生命危險，推出二選一：
「一係美國菜，一係韓國菜。」
但是BB 豬再來秒殺：
「你而家即係逼我揀啫？」
Level 4：「如果我跌落海，你救你阿媽先定我先？」


-----------------------------------------------------------------------------------
經過一番苦戰，BB豬最後頂不住肚餓，跟我去Cafe，不過是 Cafe de Coral (大X樂)，正當我準備吃飯之際，BB 豬突然又問：
BB豬：「如果我同你阿媽跌落海，你救你阿媽先定我先？」
我：「你阿媽。」
BB豬：「唔好玩，我要認真的答案。」

嘩！這個認真起來簡直是世紀哲學難題，相信有10個博士學位，寫過200篇超級影響力論文的教授都唔識答，不過不要緊：
我：「唔緊要！你識游水！」
BB豬：「咁你啊媽都識游水啊！假設我地同時抽筋就快沉，假設仲有隻大白鯊游緊來，假設你淨係可以救一個，假設......」
去到這個地步，答甚麼也沒有用，我極速決定：
「我唔識游水喔！」
結果，這一句足以令我陷入終極難關。
Final Level：「你愛唔愛我？」
-----------------------------------------------------------------------------------
BB 豬呆了一呆，然後臉開始紅過關公，頭頂冒煙，然後用力地擠僅有的一滴眼淚出來：

「其實你愛唔愛我？問你少少問題都諸多推搪！你剛剛遲了0.01秒先答我！」
去到這個地步，相信想也不用想，我立刻開口，但誰料此時一個阿姐搶先走過來問：
「你個飯仲『愛』唔『愛』？」
「愛！我愛！」
接下來的故事，相信大家也猜得到。



 

---