麵包，相信係大家日常，茶點小食的不二選擇，但對於麵包的熱量又會令一些人有所顧慮，今次呢款純素裸麥吐司，熱量低，而且糖、油用量都不多，我地今次更係用上植物油，素食人仕都合適，而且營養亦很不錯，內含好的蛋白質，食起上來有著扎實口感。

裸麥麵包比普通白麵包有更高營養，而且含有更多的膳食纖維，令人有較強的飽腹感，重點係低脂，每50g只有100卡。唔好以為低卡就唔飽肚，呢款吐司的飽腹感係好扎實，所以對於控制飲食的朋友係不錯的選擇。 



《純素裸麥全麥頂角吐司》食譜；

材料:
高筋麵粉 Bread Flour：150g
全麥粉 Whole Wheat Flour : 50g
水 Water: 130g
細砂糖 Sugar：20g
鹽 Salt：3g
速發酵母 Yeast：3g
葵花籽油 Sun Flower Oil : 20g

做法: 
1. 將高筋麵粉、全麥粉、鹽、細砂糖、酵母混合均勻備用。




2. 加入水、混合成團至無顆粒。
3. 搓揉至麵團開始鬆弛、就可以加入葵花籽油，搓至成團及出現薄膜。




4. 接著就可以把麵團放在已搽小量油的酵內開始進行基礎發酵，即第一次發酵，將麵糰放入碗中用擰乾的濕布/保鮮紙包住，令麵糰發大成兩倍大。 




5. 把麵團取出之後、充份排氣、搓圓、用擰乾的濕布/保鮮紙蓋住鬆弛10-15 mins左右。




6. 之後將麵糰壓平再次排氣，滾壓麵團，再次搓圓，之後擀開成牛舌狀。




7. 捲起來，我一般捲約2.5圈為佳。




8. 放入吐司盒，可噴些水，進行麵包製作過程中最後一次的發酵，令麵糰體積發酵至吐司盒8-9分滿







9. 預熱焗爐至210℃，預熱完成即可進行烘焗30 mins。 




10. 吐司出爐後馬上從烤模中脫模出來，置在網架上放涼。




11. 等待吐司完全涼透，再用麵包刀切片，會切得更靚。

如果你想食得豐富d，可以將裸麥麵吐司切片，鋪上生菜、煎蛋、火腿、蔬果等不同有營食材，就可以在享受裸麥香氣同時，變奏成營養豐富的一餐。
當蒸焗爐已加熱到所設定的溫度時亦會有聲音提示，可以適時把麵糰入爐，輕鬆烤焗真係再無難度。

另外，如果吐司食唔哂需要保存起來，記住係唔好冷藏呀，可以室溫密封保存，因為冷藏保存麵包會加速麵包老化，令包體變得又乾又硬呀。孖媽溫馨小提示: 
P.S. 
**Sun Flower Oil葵花籽油，亦可用其他植物油替代 **
**40L以下焗爐最好放係最底一層烘烤。**
**以上份量以 三能250g吐司盒來預備，如果想做較大的，份量亦可按比例加減**
**烘烤實際時間需要視乎每台焗爐，不同的實際溫度同特性來增減時間，不時自行目測再調節**－－－－－－－－－－－－－－－－－－－－－－－－－－－
荔枝孖媽是＊美國NAHA國際芳香治療師 ＊ 嬰兒按摩指導師 ＊ 國家兒童遊戲治療師 ＊ 兒童體適能教練 ＊ 嬰兒瑜伽指導師 ＊兒童早期教育導師＊
一日之間，成為兩子之母！充滿愛與驚喜。曾經致力遊歷世界唔同的地方，到而家變成致力育兒的雙職媽媽。
希望把生活中每一個美好時光都記錄下來。親子育兒，美容扮靚，飲飲食食，購物，好物都想同大家分享! 更希望與大家一起見證孖寶的成長，分享他們生活的大小趣事。
想知更多？可以Follow【荔枝與孖寶】及 荔枝孖媽的個人網誌【按這裡】
Photo: 荔枝與孖寶
Cover Photo: 荔枝與孖寶

---