香港娛圈十大咸豬手事件！
無論台上定台下，娛樂圈不時都會出現一啲非禮呀、德國咸豬手事件，以下十大咸豬手事件，真系好Q賤！
![]()
1. 李志剛、AOA雪炫
![]()
上星期五「第六屆香港亞洲流行音樂節」，主持之一嘅香港電台DJ李志剛，喺台上無厘頭向表演嘉賓韓國女團AOA成員雪炫擁抱，結果消息燒到韓國，大堆Fans網民眼火爆。
![]()
主要指控嘅系李志剛「一副嘟嘴狼胎猴擒樣」，又無端端伸腳疑似觸碰雪炫下體。不過小編認為事後李志剛嘅解釋先至出事，因為佢聲稱要求擁抱嘅原因系配合大會主題「擁抱音樂」。
另外佢又辯稱當時問過台上翻譯，雪炫都已經點頭，並非強行抽水。一方面話「希望fans唔好唔開心」，同時又話「我自己就好開心」。
2. 李志剛、衛詩
![]()
李志剛今次發到咁大，主要因為佢疑似有前科。06年香港電台「太陽計劃」記者會玩寵物美容（又系無厘頭），當時主持李志剛用狗毛公仔質向衛詩心口。
![]()
事後李志剛就話大家熟，玩下無事。但衛詩受傳媒訪問直認尷尬，「有叫唔好」，而且2人唔熟。不過個幾星期後又轉口風話真系玩下，令到李志剛被屈咸豬手，要向佢道歉。
3. TVB魔術男咸豬手事件
![]()
又關香港電台事。08年尾，苑瓊丹喺港台節目《瘋SHOW快活人》大爆TVB有男藝員借變魔術為名揩油。當時苑瓊丹列出幾大線索：高過黃宗澤、斯文靚仔、識煮幾味、常拍旅遊節目、鍾意玩魔術、曾同女藝人秘密拍拖。
雖然件事炒起後苑瓊丹死口唔講「疑犯」個名，而且故弄玄虛，話自己當日線索有真有假，純粹想警剔事主，亦改口從未話過系無線藝員。但經過傳媒同網民推測，最大嫌疑為蔡子健。
sponsored
4. 《賭場風雲》出埠咸豬手
![]()
2009年官恩娜被問到「魔術咸豬手」一事系咪知情，結果竟然自爆出埠拍TVB劇時，有女藝人同佢訴苦，話有同行男藝員飯後借醉上下其手。
自認心水清嘅網民推測部劇系《賭場風雲》。之後傳出事主系郭政鴻同周家怡。但之後周家怡否認，郭政鴻大怒欲出律師信，最後結局似乎系官恩娜道聽途說衰多口。
5. 馬德鍾、陳浩文、陳嘉恆
![]()
《賭場風雲》咸豬手一事傳過馬德鍾，當時理直氣壯叫官恩娜報警，但2011年就同陳浩民斷正。
![]()
2人有份到橫店拍攝王晶電影《笑功震武林》，同洪天明、陳嘉桓一眾台前幕後宵夜。
![]()
陳浩民又強吻又龍爪手，之後到馬德鍾抱抱，相中明顯見到陳嘉桓一臉唔願。
![]()
sponsored
事後陳嘉桓素顏開記招兼報警，陳浩民初時自稱「好客」，後來都要開記招流淚道歉。而馬德鍾就離奇由抽水變成安慰，但亦被各界指責當時竟視若無睹。
![]()
6. Alain Mikli、樋口明日嘉、劉嘉玲、關之林、陳嘉桓、佘詩曼、吳彥祖、郭富城
![]()
講台上抽水，Alain Mikli都算常客。大家可能覺得個名熟口熟面，因為TVB劇集嘅眼鏡贊助9成9都系呢個牌子。
![]()
2003年7月，前港姐歐陽妙芝、日本演員樋口明日嘉、吳彥祖出席其眼鏡活動，歐陽妙芝被攬腰合照都過到骨，但Alain Mikli疑似突襲樋口嘅心口，又叫吳彥祖除衫試眼鏡。
![]()
同年9月劉嘉玲同關之琳喺北京出席Alain Mikli眼鏡活動，被法籍設計師Alain Mikli當眾台上彈Bra彈，又成個頭挨埋去合照。當時劉嘉玲直接鬧佢「好鹹濕」。
![]()
劉、關2人見過鬼唔怕黑，2005年貝沙灣再出席Alain Mikli眼鏡發布會，結果齊齊被摸籮柚。劉嘉玲嚇親之餘，更疑似要捉住Alain Mikli只手以防再被揩油。
![]()
2006年Alain Mikli台北旗艦店開幕，今次出口唔出手，同舞王城城法式濕吻，男女通吃。
![]()
![]()
2011年，陳嘉桓都算黑仔，年尾被馬騮民同馬欖鍾橫店抽水前，其實6月眼鏡活動都被Alaini Mikli當眾手放下體。同場遭殃嘅仲有阿佘，又被摸手臂又被嘴，笑容牽強。
![]()
![]()
![]()
7. 楊思琦
![]()
2006年在金鐘身穿透Bra衫做Rockport Model被該品層老外高層Steve Holt從後攬腰。
8. 李子奇、劉錦玲
![]()
2002年TVB劇《絕世好爸》一場分手戲，李子奇要掟劉錦玲落梳化。當時劉錦玲問李子奇系咪錯手掂到佢個胸，堅稱無話過李子奇博懵。但李子奇未知系咪覺得被屈非禮，鬧喊劉錦玲。
![]()
不過李子奇喺09年話5年後劉錦玲已幫佢平反，而劉錦玲早已轉職做咗保險。
9. 尹天照、王秀琳
![]()
2004年亞視劇集《我和殭屍有個約會3永恆國度》，有份參演嘅尹天照、陳寶轅、王秀琳等人8月一同飯聚。
![]()
王秀琳9月開記招指飯局後坐尹天照車返屋企，被尹天照拖手、強吻兼伸手入衫，報警求助。尹天照自稱無辜，並且不介意同佢對質，最終亦無俾警方起訴。
10. 海俊傑、劉綽琪、吳亭欣
![]()
拍劇出事嘅仲有海俊傑。2006年3人拍亞視劇《義無反顧》，海俊傑被劉綽琪指喺片場播四仔，又被劉綽琪同吳亭欣指強姦戲太逼真，留下心理陰影。海俊傑就質疑劉綽琪點解唔報警，暗串博宣傳。
![]()
不過2008年吳亭欣再拍強姦戲時就話希望公司加人工，真系歌神都有唱：「為兩餐乜都肯制呀，前世！」
![]()
嗱嗱嗱，睇完系咪同小編一樣都覺得好嬲豬呢！作為公眾人物唔該就檢點下自己嘅行為啦！
1. 李志剛、AOA雪炫
上星期五「第六屆香港亞洲流行音樂節」，主持之一嘅香港電台DJ李志剛，喺台上無厘頭向表演嘉賓韓國女團AOA成員雪炫擁抱，結果消息燒到韓國，大堆Fans網民眼火爆。
主要指控嘅系李志剛「一副嘟嘴狼胎猴擒樣」，又無端端伸腳疑似觸碰雪炫下體。不過小編認為事後李志剛嘅解釋先至出事，因為佢聲稱要求擁抱嘅原因系配合大會主題「擁抱音樂」。
另外佢又辯稱當時問過台上翻譯，雪炫都已經點頭，並非強行抽水。一方面話「希望fans唔好唔開心」，同時又話「我自己就好開心」。
2. 李志剛、衛詩
李志剛今次發到咁大，主要因為佢疑似有前科。06年香港電台「太陽計劃」記者會玩寵物美容（又系無厘頭），當時主持李志剛用狗毛公仔質向衛詩心口。
事後李志剛就話大家熟，玩下無事。但衛詩受傳媒訪問直認尷尬，「有叫唔好」，而且2人唔熟。不過個幾星期後又轉口風話真系玩下，令到李志剛被屈咸豬手，要向佢道歉。
3. TVB魔術男咸豬手事件
又關香港電台事。08年尾，苑瓊丹喺港台節目《瘋SHOW快活人》大爆TVB有男藝員借變魔術為名揩油。當時苑瓊丹列出幾大線索：高過黃宗澤、斯文靚仔、識煮幾味、常拍旅遊節目、鍾意玩魔術、曾同女藝人秘密拍拖。
雖然件事炒起後苑瓊丹死口唔講「疑犯」個名，而且故弄玄虛，話自己當日線索有真有假，純粹想警剔事主，亦改口從未話過系無線藝員。但經過傳媒同網民推測，最大嫌疑為蔡子健。
sponsored
4. 《賭場風雲》出埠咸豬手
2009年官恩娜被問到「魔術咸豬手」一事系咪知情，結果竟然自爆出埠拍TVB劇時，有女藝人同佢訴苦，話有同行男藝員飯後借醉上下其手。
自認心水清嘅網民推測部劇系《賭場風雲》。之後傳出事主系郭政鴻同周家怡。但之後周家怡否認，郭政鴻大怒欲出律師信，最後結局似乎系官恩娜道聽途說衰多口。
5. 馬德鍾、陳浩文、陳嘉恆
《賭場風雲》咸豬手一事傳過馬德鍾，當時理直氣壯叫官恩娜報警，但2011年就同陳浩民斷正。
2人有份到橫店拍攝王晶電影《笑功震武林》，同洪天明、陳嘉桓一眾台前幕後宵夜。
陳浩民又強吻又龍爪手，之後到馬德鍾抱抱，相中明顯見到陳嘉桓一臉唔願。
sponsored
事後陳嘉桓素顏開記招兼報警，陳浩民初時自稱「好客」，後來都要開記招流淚道歉。而馬德鍾就離奇由抽水變成安慰，但亦被各界指責當時竟視若無睹。
6. Alain Mikli、樋口明日嘉、劉嘉玲、關之林、陳嘉桓、佘詩曼、吳彥祖、郭富城
講台上抽水，Alain Mikli都算常客。大家可能覺得個名熟口熟面，因為TVB劇集嘅眼鏡贊助9成9都系呢個牌子。
2003年7月，前港姐歐陽妙芝、日本演員樋口明日嘉、吳彥祖出席其眼鏡活動，歐陽妙芝被攬腰合照都過到骨，但Alain Mikli疑似突襲樋口嘅心口，又叫吳彥祖除衫試眼鏡。
同年9月劉嘉玲同關之琳喺北京出席Alain Mikli眼鏡活動，被法籍設計師Alain Mikli當眾台上彈Bra彈，又成個頭挨埋去合照。當時劉嘉玲直接鬧佢「好鹹濕」。
劉、關2人見過鬼唔怕黑，2005年貝沙灣再出席Alain Mikli眼鏡發布會，結果齊齊被摸籮柚。劉嘉玲嚇親之餘，更疑似要捉住Alain Mikli只手以防再被揩油。
2006年Alain Mikli台北旗艦店開幕，今次出口唔出手，同舞王城城法式濕吻，男女通吃。
2011年，陳嘉桓都算黑仔，年尾被馬騮民同馬欖鍾橫店抽水前，其實6月眼鏡活動都被Alaini Mikli當眾手放下體。同場遭殃嘅仲有阿佘，又被摸手臂又被嘴，笑容牽強。
7. 楊思琦
2006年在金鐘身穿透Bra衫做Rockport Model被該品層老外高層Steve Holt從後攬腰。
8. 李子奇、劉錦玲
2002年TVB劇《絕世好爸》一場分手戲，李子奇要掟劉錦玲落梳化。當時劉錦玲問李子奇系咪錯手掂到佢個胸，堅稱無話過李子奇博懵。但李子奇未知系咪覺得被屈非禮，鬧喊劉錦玲。
不過李子奇喺09年話5年後劉錦玲已幫佢平反，而劉錦玲早已轉職做咗保險。
9. 尹天照、王秀琳
2004年亞視劇集《我和殭屍有個約會3永恆國度》，有份參演嘅尹天照、陳寶轅、王秀琳等人8月一同飯聚。
王秀琳9月開記招指飯局後坐尹天照車返屋企，被尹天照拖手、強吻兼伸手入衫，報警求助。尹天照自稱無辜，並且不介意同佢對質，最終亦無俾警方起訴。
10. 海俊傑、劉綽琪、吳亭欣
拍劇出事嘅仲有海俊傑。2006年3人拍亞視劇《義無反顧》，海俊傑被劉綽琪指喺片場播四仔，又被劉綽琪同吳亭欣指強姦戲太逼真，留下心理陰影。海俊傑就質疑劉綽琪點解唔報警，暗串博宣傳。
不過2008年吳亭欣再拍強姦戲時就話希望公司加人工，真系歌神都有唱：「為兩餐乜都肯制呀，前世！」
嗱嗱嗱，睇完系咪同小編一樣都覺得好嬲豬呢！作為公眾人物唔該就檢點下自己嘅行為啦！
