(真人真事) 屯門友愛邨愛樂樓 發現疆屍足跡




機緣巧合下(其實係因為發生過依家分享既事,見到疆屍做主題先吸引到我)俾我睇到一個舊post,一㩒入黎真係好震驚,震驚在於睇到有個分段主題講友愛疆屍,令一向無乜留言既我打哩段分享出黎,唔信既師兄師姐就當係睇個故仔啦,反正我自己都唔係太肯定係發夢定真
係大約199x年左右(當時我大約小一,二左右啦)同父母、哥哥住係友愛邨愛樂樓,屋企間左兩間房,一間係我同哥哥一張碌架床,一間係爸爸媽媽房,佢地房有個氣窗通向出邊走廊(個窗係磨沙色既,睇唔到外邊,但係有人走過會見到影)

當年有日爸爸因為工事要通宵,一向痴媽咪既我就當然唔會放過哩個機會,走去媽媽房訓啦,當晚同媽媽一齊訓,同佢傾計傾左一陣(我諗十二點一點左右啦),我係面向氣窗個邊,相反,媽媽向住我傾計,就要面向房既牆,突然睇到個氣窗有個戴住古代官帽既人跳過,係一步一步跳過呀,頂(當時彊屍片大行其道,所以我知彊屍帽係點),當時我打左個突,又唔想嚇親家母,傾傾下計都靜左一靜,但無嗌,跟住聲到一聲睇戲成日聽到既彊屍叫聲…………


最後我媽媽見我呆左,問我做咩唔答佢(本身傾緊計),我先醒一醒個人,扮無事繼續傾多陣就話訓喇,但其怪在我住係H型的公屋,當晚我只見佢跳去一邊的掘頭路,有去無回,其實成件事真係太似拍戲既彊屍,我知同人講都會話我發夢或者睇得戲多,一路放係心入面,直到睇到個舊post好似好相似,唔知有無關連,希望有師兄師姐或者當年都見過既人請教

友愛邨(英語:Yau Oi Estate)是香港的一個公共屋邨,位於香港新界屯門新市鎮中部,鄰近屯門市中心,於1980年落成。現由香港房屋委員會負責屋邨管理。由於友愛邨落成後的屋宇數量相對當時其他公共屋邨為多,所以曾成為全港最多居民的公共屋邨。

另外由於友愛邨建於青山灣填海區上,所以曾經有嚴重土地沉降問題,其中於宣道會陳瑞芝紀念中學操場旁的建築物亦因此而加建多級樓梯。現時土地沉降的情況已經較為穩定,但在邨內亦有不少地方可觀察到沉降的痕跡


来源:www.discuss.com.hk







© zonepeer.com 2024   |   Privacy Policy